ఈ ప్రేమకథ యువతను ఏడిపిస్తోంది..?!

చూడాల్సిన సినిమా.. సైయారా.. ఈ తరానికి ప్రేమలు తెలియవు! అందం ఆకర్షణ ప్రేమ అనుకునే తరం! సెంటిమెంట్‌ తెలియదు! ర్యాంకులు సాధించడం లేదా ఆవారా బ్యాచ్‌లుగా ఎంజాయ్‌ చేయడం మాత్రమే తెలుసు!

అందుకేనేమో, సైయారాకు బాగా కనెక్ట్‌ అయ్యారు! వీరి వెనుక తరం నుంచి పెద్ద తరం వరకు ప్రేమ లోతు ఏంటో తెలుసు! ప్రేమ అనుభవం తెలుసు! అందుకే ఆ తరాలు కూడా సైయారాకు కనెక్ట్‌ అయ్యారు! ఈతరం తెలియక, ఆ తరాలు తెలిసి మొత్తానికి సినిమా హృదయాలను టచ్‌ చేసింది! ఎంతగా అంటే సినిమా చూస్తూ చూస్తూ ఏడ్చేంతగా!

సినిమా పూర్తి అయ్యాక థియేటర్‌ సిబ్బంది వచ్చి సినిమా అయిపోయింది అని సాగనంపేంత వరకు ఆ సీట్లలో అలా వేదనతో కూర్చుండి పోయే అంతగా కనెక్ట్‌ అయిపోయారు!

40 కోట్ల బడ్జెట్‌తో యష్‌ రాజ్‌ ఫిలిమ్స్‌ వారు తీసిన సినిమా బాక్స్‌ ఆఫీస్‌ రికార్డ్స్‌ లలో దూసుకుపోతోంది! ప్రపంచవ్యాప్తంగా టాప్‌ 45 బహు భాషా సినిమాల్లో టాప్‌ 7లో సైయారా బాలీవుడ్‌ మూవీ నిలిచి రికార్డు సృష్టించింది!

లవ్‌ స్టోరీలను సహజంగా తెరకిక్కించి ప్రేమికులకు కిక్‌ ఇచ్చే మోహిత్‌ సూరి దర్శకత్వంలో జూలై 18న సైయారా విడుదలైంది! సూపర్‌ డూపర్‌ హిట్‌గా సంచలనం సృష్టిస్తోంది!

సహజంగా మన తెలుగు సినిమాలకు మల్లే ఆడియో, వీడియో రిలీజ్‌, ప్రి రిలీజ్‌ ఇలా ప్రచార ఈవెంట్లు ఉండవు కొన్ని బాలీవుడ్‌ సినిమాలకు! సైలెంట్‌ గా హిట్‌ కొట్టేస్తాయి! పైగా ఈ సినిమాలో ఇద్దరూ కొత్తవాళ్లే! హీరో అహన్‌ పాండే! అనన్య పాండే తమ్ముడు! హీరోగా అతని డెబ్యూ ఫిలిం!

హీరోయిన్‌ అనీత్‌ పద్దా! ఆమెకూ ఇది అరంగేట్రమే! ఇద్దరూ ఆయా పాత్రల్లో ఒదిగిపోయి సహజంగా జీవించేసారు! నటన ఎక్కడా కనిపించలేదు! నిజ జీవితాల్లా కనిపిస్తాయి! మన జీవితాల్లా అనిపిస్తాయి! ఎలాంటి ఎక్స్‌-పెక్టింగ్‌ లేకుండా వెళ్లి ఊహించని గొప్ప సినిమాను చూసినంత ఆనందం కలుగుతుంది! అందుకే చూసిన వాళ్లే మళ్ళీ మళ్ళీ చూస్తున్నారని టాక్‌ వినిపిస్తోంది!

2024లో విడుదలయిన కొరియన్‌ సినిమా మూమెంట్‌ టు రిమెంబర్‌ కు కాస్త కాపీ అనిపిస్తుంది! నెట్‌ ఫ్లిక్స్‌ లో వస్తున్న ది రొమాంటిక్‌ వెబ్‌ సిరీస్‌ గుర్తుకొస్తుంది! అవి చూసి వున్నాను కాబట్టి నాకు గుర్తుకు వచ్చి ఉండొచ్చు! కానీ, మోహిత్‌ సూరి ఆ రెండూ క్లబ్‌ చేసి అంతకు మించిన మ్యూజికల్‌ లవ్‌ స్టోరీ పొట్లం అందించాడు!

హీరో క్రిష్‌ కపూర్‌ మంచి స్టేజ్‌ సింగర్‌! హీరోయిన్‌ వాణి బాత్రా ఒక వెబ్‌ సైట్లో పని చేసే రిపోర్టర్‌! ఆమె బ్రేకప్‌ లవర్‌! తన ప్రేమను డైరీలో రాసుకునే కవయిత్రి! మహేష్‌ పెళ్ళి చేసుకుంటానని చెప్పి రిజిస్ట్రార్‌ ఆఫీస్‌ కు డుమ్మా కొట్టినప్పుడు డిప్రెషన్‌ లోకి వెళుతుంది!

ఒక మ్యూజిక్‌ షోలో ఇంటర్వ్యూ చేయడానికి వచ్చిన వాణిని చూసి క్రిష్‌ ప్రేమలో పడిపోతాడు! ఆమె రాసే కవితలను పాటలుగా మలచి పాడుతుంటాడు! ఒక అపురూప ప్రేమికులుగా మారిపోతారు! అనుకోకుండా వాణి ఎల్జీమర్స్‌ వ్యాధికి గురై అన్నీ మరచిపోతుంటుంది!

ఆమె కోసం తన సింగింగ్‌ కెరీర్‌ పక్కన పెడుతున్నాడని తెలుసుకుని చెప్పకుండా దూరంగా వెళ్ళిపోతుంది! ఆమెను వెతుక్కుంటూ ఆమె రాసిన సైయారా పాట ప్రతి ఊర్లో వినిపిస్తూ చివరకు మనీలాలో ఒక ఆశ్రమంలో ఉన్నట్లు తెలుసుకుని ఇద్దరూ ఒక్కటవుతారు! ఇదీ సినిమా!

ఎన్నో మలుపులు తిప్పుతూ మోహిత్‌ సూరి చూపించిన కథనం అద్భుతం! కన్ఫ్యూజన్‌ కాంఫిడెన్స్‌ ఇన్నోసెంట్‌ వాణి బాత్రా పాత్రలో అనీత్‌ పద్దా జీవించి ఏడ్పించింది! అమర ప్రేమికుడు క్రిష్‌ పాత్రలో అహన్‌ పాండే రాణించి మెప్పించాడు! ఇంకా చెప్పుకోదగిన పాత్రల్లో చాలామంది నటించినప్పటికి మనకు ఆద్యంతం వీళ్ళు ఇద్దరే కనిపిస్తారు!

సంగీతం సూపర్బ్‌ అని చెప్పాలి! 7 పాటలు వేటికవే వెంటాడుతూ ఉంటాయి! మళ్ళీ వినాలనిపిస్తూనే ఉంటాయి! జాన్‌ స్టీవర్ట్‌ ఎడూరి ఇచ్చిన బిజిఎమ్‌ స్కోర్‌ ఈ సినిమాకు ప్రాణం పోసింది! అరిజిత్‌ సింగ్‌, శ్రేయా ఘోషల్‌ సూపర్‌ హిట్స్‌ ఇచ్చారు!

మిథున్‌, తనిష్క బాగ్చి, సాచెట్‌ పరంపర, విశాల్‌ మిశ్రా, ఫహీం అబ్దుల్లా, అరస్లాన్‌ నిజామి ఇలా ఒక్కో పాటను ఒక్కొక్కరికి ఇచ్చి స్వరపరచడం రొటీన్‌ కు భిన్నంగా కొత్తదనాన్ని అద్ధినట్లు ఆకట్టుకున్నాయి! లోతైన భావొద్వేగాన్ని ప్రేమ కిక్కు ను ఎక్కించడంలో మోహిత్‌ సూరి సక్సెస్‌ అయ్యారు! చూడాల్సిన సినిమా సైయారా!

-డా.మహ్మద్‌ రఫీ

అమ్మడిలో ఆ బెంగ కనపడట్లేదే..?

ఉప్పెనతో టాలీవుడ్‌ ఎంట్రీ ఇచ్చిన కృతిశెట్టి అంతకుముందు మోడలింగ్‌లో మెప్పించింది. ఐతే ఒక సినిమా చేసే దాకా ఆమెకు పెద్దగా గుర్తింపు రాలేదు.

ఉప్పెనతో టాలీవుడ్‌ ఎంట్రీ ఇచ్చిన కృతి శెట్టి అంతకుముందు మోడలింగ్‌ లో మెప్పించింది. ఐతే ఒక సినిమా చేసే దాకా ఆమెకు పెద్దగా గుర్తింపు రాలేదు. ఐతే ఎప్పుడైతే ఉప్పెన బ్లాక్‌ బస్టర్‌ అయ్యిందో అమ్మడు సూపర్‌ క్రేజ్‌ తెచ్చుకుంది. ఆ ఫ్లోలో వరుస క్రేజీ ఛాన్స్‌ లు అందుకుంది. తొలి సినిమా హిట్టు పడితే ఆ పాజిటివిటీ వేరేలా ఉంటుంది. ఐతే అదొక్కటే ఉంటే సరిపోదు తర్వాత సినిమాలు ఆడియన్స్‌ ని ఎంగేజ్‌ చేయాలి. ఒకటి కాకపోతే మరొకటైనా అదే రేంజ్‌ సక్సెస్‌ సాధించాలి.

కానీ బ్యాడ్‌ లక్‌ ఏమో కానీ ఉప్పెన హిట్‌ తర్వాత శ్యాం సింగ రాయ్‌, బంగార్రాజు సినిమాలతో పర్వాలేదు అనిపించుకున్న కృతి శెట్టి ఆ తర్వాత చేసిన సినిమాలన్నీ కూడా నిరాశ పరిచాయి. కృతి శెట్టి చేస్తున్న సినిమాలన్నీ ఫెయిల్‌ అవ్వడంతో ఆమె గ్రాఫ్‌ పడిపోతూ వచ్చింది. లాస్ట్‌ ఇయర్‌ శర్వానంద్‌ తో మనమే సినిమా చేసింది అమ్మడు. ఆ సినిమా తో కూడా అమ్మడు పెద్దగా మెప్పించలేదు. సినిమా ఫలితాలు ఎలా ఉన్నా నటిగా కృతి శెట్టి కూడా అంత గొప్ప పర్ఫార్మెన్స్‌ లు ఇచ్చింది లేదు. అందుకే మిగతా హీరోయిన్స్‌ లానే ఆమెను కూడా లైట్‌ తీసుకున్నారు ఆడియన్స్‌. ప్రేక్షకులు ఆసక్తి చూపిణట్లేదు కాబట్టే దర్శక నిర్మాతలు కూడా ఆమెను తీసుకోవట్లేదు. ఐతే తెలుగులో వర్క్‌ అవుట్‌ కావట్లేదని తమిళ్‌ కి షిఫ్ట్‌ అయ్యింది కృతి శెట్టి. ప్రస్తుతం అక్కడ ఎల్‌.ఐ.కె, జినీ సినిమాలు చేస్తుంది కృతి.

ఐతే సినిమాల ఛాన్స్‌ లు ఎలా ఉన్నా తన సోషల్‌ మీడియా ఫోటో షూట్స్‌ విషయంలో వెనక్కి తగ్గట్లేదు కృతి శెట్టి. మొదట్లో గ్లామర్‌ షో విషయంలో డౌట్‌ పడ్డ కృతి శెట్టి ఈమధ్య రెచ్చిపోయి మరీ గ్లామర్‌ షో చేస్తుంది. ఐతే ఈ షోల వల్ల ఏమైనా అవకాశాలు వస్తాయా లేదా అన్నది చూడాలి. ఐతే అవకాశాలు రావట్లేదు అనే బెంగ ఏమాత్రం తనలో కనిపించకుండా ఫోటో షూట్స్‌ తో మెప్పిస్తుంది కృతి శెట్టి. మరి అమ్మడు తిరిగి టాలీవుడ్‌ లో ఎప్పుడు కంబ్యాక్‌ ఇస్తుందో చూడాలి. కోలీవుడ్‌ లో మాత్రం చేస్తున్న రెండు సినిమాల మీద కృతి శెట్టి చాలా హోప్స్‌ పెట్టుకుంది. మరి ఈ సినిమాలతో అమ్మడి ఫేట్‌ మారుతుందేమో చూడాలి.

-తుపాకి.కామ్‌ సౌజన్యంతో...