ఈ రోజు వెండితెర మీద చూసింది ‘మన శంకరవరప్రసాద్‌ గారి’ని మాత్రమే కాదు ...

రామ్మోహన్రావు అని అరిచినప్పుడు గాంధీని,

జ్వాలా అని ముద్దుగా పిలుస్తున్నప్పుడు పాండుని,

గోడ బద్దలు కొట్టినప్పుడు రాజారామ్‌ ని,

సూటూబూటులో నడిచొస్తున్నప్పుడు ఎండీ కల్యాణ్‌ ని,

‘మే’డమ్‌’గారికి ..’ అనగానే లీడర్‌ రాజుని,

లుంగీ పైక్కడుతూ గొడవకు దిగుతుంటే కొణిదెల సుభాష్‌ చంద్రబోస్‌ ని,

విడిపోయిన భార్యకు దొరికిపోగానే మరదల్ని చూసి కంగారు పడ్డ రాజు ‘బావగారి’ని,

‘గంగూలీ సందులో గజ్జెల గోల’ అని నర్తిస్తుంటే రామకృష్ణని,

గది బయట అమ్మాయిని చూసి సిగ్గుపడుతుంటే

రాజారామ్‌ అన్నయ్యని,

పిల్లలు ‘నాన్నా’ అని పిలవగానే రాజ్‌ కుమార్‌ ని ...

ఇలా దాదాపు అర్ధశతాబ్దం నుంచి ...

తెలుగు సినీ యవనికపై కదలాడుతూ..

ప్రేక్షకుల్ని నవ్విస్తూ, నర్తింపజేస్తూ..

మనసుల్ని కదిలిస్తూ, కరిగిస్తూ..

మా గుండెల్లో ‘చిరంజీవి’గా నెలవైన ఎన్నో పాత్రల్ని...

అయినా వరప్రసాదూ... మొన్న ఆగష్టు 22కి నీకు డెబ్బై ఏళ్లొచ్చాయని ఎవరో అన్నారు .. నీకు కాదయ్యా ఆ వయసొచ్చింది ...

‘ఇప్పుడు సరిగ్గా చేయకపోతే ఇంక సినిమా ఛాన్సులే రావేమో’ అన్నట్టుగా ఈ రోజు విడుదలైన నీ 157వ సినిమాలోనూ చేసిన ఫైట్లకు, డ్యాన్సులకు ఈలలేసి, గోల చేసి అరుద్దామంటే గొంతు రాసిపోతుందేమోననిÑ

థియేటర్లలో సీట్ల నుంచి లేచి డ్యాన్సులు చేద్దామంటే రెండ్రోజులు ఒళ్లు నొప్పులొస్తాయేమోనని భయపడుతున్న మాకు నిండినట్టున్నాయి ఏడు పదులు !

‘చిరంజీవి ఇలాంటి సినిమాలు చేయాలి, అలాంటి సినిమాలు చేయాలి’ అని మేము ఎన్ని సార్లు, ఎన్ననుకున్నా కానీ - నువ్వు మామూలు కథకథనాలతో కూడా మూడు గంటలు మమ్మల్ని మైమరిపించగలవని మరోసారి రుజువు చేసేశావు!

ఒక్క మాటలో చెప్పాలంటే - ఈ సినిమా చూసిన, చూడబోయే ప్రతి కుటుంబం నుంచి ఒక ‘చిరంజీవి’ ఫ్యాన్‌ తయారవుతారు, కనీసం మరో పదేళ్లు నిన్ను వెండితెర వేల్పుగా కొలుస్తారు..

జై చిరంజీవ !

- రావూరి

బాలయ్యకి తేజస్వి.. చిరుకి సుస్మిత..!

స్టార్‌కి ఫ్యాన్స్‌ మాత్రమే కాదు వాళ్ల క్రేజ్‌ని చూస్తూ పెరిగిన ఇంట్లో ఫ్యామిలీ మెంబర్స్‌ కూడా వాళ్ల పీక్‌టైంను మళ్లీ చూడాలని ఉంటుంది. ముఖ్యంగా సీనియర్‌ స్టార్స్‌కి ఇలాంటి సందర్భం వస్తుంది. తమ అభిమాన హీరో మాస్‌ స్టామినా ఏంటో చూపిస్తే బాగుంటుందని అనుకుంటారు. ఐతే అదే సేమ్‌ ఫీలింగ్‌ ఆ స్టార్స్‌ ఇంట్లో కూడా వస్తుంది. ఆ టైంలోనే సీనియర్‌ స్టార్‌ తనయురాళ్లు వాళ్లకి సూపర్‌ బూస్టప్‌ ఇస్తున్నారు. సీనియర్‌ హీరోలు తమ ఒకప్పటి వైబ్‌ ని తీసుకొచ్చేందుకు ఫ్యామిలీ మెంబర్స్‌ సపోర్ట్‌ చేస్తున్నారు.

అన్‌ స్టాపబుల్‌ సక్సెస్‌ఫుల్‌గా..

ఈ క్రమంలో బాలకృష్ణ కూతురు తేజస్వి బాలయ్యలోని ఫన్‌ యాంగిల్‌ని అందరికీ చూపించాలని అన్‌ స్టాపబుల్‌ షో వచ్చేలా చేశారు. ఆమె ప్రోత్సాహం ఇంకా ప్లానింగ్‌ వల్లే అన్‌ స్టాపబుల్‌ సక్సెస్‌ ఫుల్‌గా 3 సీజన్లు పూర్తి చేసుకుంది. ఐతే అన్‌స్టాపబుల్‌ మాత్రమే కాదు బాబీతో లాస్ట్‌ సంక్రాంతికి వచ్చిన డాకు మహారాజ్‌ సినిమా స్టోరీ రిఫరెన్స్‌ కూడా తేజశ్వి ఇచ్చిన హింట్స్‌ తోనే అని తెలిసిందే.

ఇలా తమ ఇంట్లో ఉన్న సీనియర్‌ స్టార్‌ ని ఎలా ఫ్యాన్స్‌ చూడాలని అనుకుంటున్నారో అది జరిగేలా చేస్తున్నారు. ఇక లేటెస్ట్‌గా మెగాస్టార్‌ చిరంజీవి మన శంకర వరప్రసాద్‌ సినిమా విషయంలో కూడా సుస్మిత హ్యాండ్‌ తెలిసిందే. అనిల్‌ రావిపూడి డైరెక్షన్‌ లో తెరకెక్కిన ఈ సినిమా సూపర్‌ హిట్‌ టాక్‌ తెచ్చుకుంది. సంక్రాంతి సినిమా అనేలా మెగా వైబ్‌ ని తీసుకొచ్చింది.

చిరంజీవిని రౌడీ అల్లుడు, ఘరానా మొగుడు..

మళ్లీ చిరంజీవిని రౌడీ అల్లుడు, ఘరానా మొగుడు సినిమాల్లో ఎనర్జీ చూస్తున్నాం అంటూ చిరు గురించి మాట్లాడుతున్నారు. ఐతే ఈ సినిమాను షైన్‌ స్క్రీన్‌ బ్యానర్‌ తో పాటుగా సుస్మిత గోల్డ్‌ బాక్స్‌ ఎంటర్టైన్మెంట్స్‌ బ్యానర్‌ లో కూడా నిర్మాణ భాగస్వామ్యం అయ్యింది. సో మెగా మూవీకి మెగా డాటర్‌ ప్రొడక్షన్‌ కూడా హెల్ప్‌ ఫుల్‌ అయ్యింది.

చిరు బాలయ్య ఇద్దరి విషయంలో తమ డాటర్స్‌ వాళ్లని ఎలా చూడాలని అనుకుంటున్నారో అలాంటి కథతో వాళ్ల ఇన్‌ పుట్స్‌ తో మంచి అవుట్‌ పుట్‌ వచ్చేలా చేసుకున్నారు. ఓ విధంగా అది వాళ్ల ఐడియానే కానీ ఇలాంటి సినిమా కావాలని ఫ్యాన్స్‌ నుంచి వచ్చిన రిక్వెస్ట్‌ ల కారణంగానే అలాంటి కథలను వారు రిఫర్‌ చేశారని చెప్పొచ్చు. మరి ఇదే ఐడియాని అటు వెంకటేష్‌ ఇటు నాగార్జున కూడా ఫాలో అయితే వాళ్లు కూడా ఫ్యాన్స్‌ కి కావాల్సిన జోష్‌ ని అందించే ఛాన్స్‌ ఉంటుంది.

డాకు మహారాజ్‌ కి తేజస్వి.. మన శంకర వరప్రసాద్‌ సినిమాకు సుస్మిత ఇలా ఇద్దరు కూడా తమ ఫాదర్‌ సినిమాలకు బ్యాక్‌ ఎండ్‌ సపోర్ట్‌ తో ఫ్యాన్స్‌ కి కావాల్సిన ఫీస్ట్‌ అందించారు. సో ఈ సినిమాలు రావడానికి కారణమైన వాళ్లకి కూడా ఫ్యాన్స్‌ తమ అభినందనలు తెలుపుతున్నారు.

- తుపాకి.కామ్‌ సౌజన్యంతో...