దేశ ఆత్మను గాయపరచవద్దు

దేశంలోని అత్యున్నత పదవులైన రాష్ట్రపతి, ఉపరాష్ట్రపతి, లోక్‌సభ స్పీకర్, ప్రధాన న్యాయమూర్తి, ప్రధాన ఎన్నికల కమిషనర్ వంటి వ్యవస్థలపై వస్తున్న విమర్శలు, వివాదాలు ప్రజాస్వామ్య స్ఫూర్తికి సవాలుగా మారుతున్నాయి. భారతదేశం ప్రపంచంలోనే అతిపెద్ద ప్రజాస్వామ్య గణతంత్ర దేశం. మన రాజ్యాంగం కల్పించిన వ్యవస్థలు.. శాసనసభ, కార్యనిర్వాహక శాఖ, న్యాయవ్యవస్థ, ఎన్నికల సంఘం.. దేశ ప్రగతికి నాలుగు స్తంభాలు వంటివి. అయితే, ఇటీవల కాలంలో ఈ అత్యున్నత పదవుల్లో ఉన్న వ్యక్తులపై వస్తున్న విమర్శలు, వ్యక్తిగత దాడులు, రాజకీయ వివాదాలు దేశ ప్రతిష్టను అంతర్జాతీయ స్థాయిలో ప్రశ్నార్థకం చేస్తున్నాయి.

అత్యున్నత పదవులపై పెరుగుతున్న రాజకీయ దాడులు

రాజ్యాంగబద్ధమైన పదవులకు ఒక గౌరవం, మర్యాద ఉంటుంది. ఇటీవలే పశ్చిమ బెంగాల్ ముఖ్యమంత్రి మమతా బెనర్జీ భారత రాష్ట్రపతిపై చేసిన వ్యాఖ్యలు రాజకీయ వర్గాల్లో తీవ్ర చర్చకు దారితీశాయి. అలాగే జగదీప్ ధన్‌ఖర్ 2025 జులై 21న భారతదేశ ఉపరాష్ట్రపతి పదవికి రాజీనామా చేశారు. వర్షాకాల సమావేశాల మొదటి రోజున ఆయన తన రాజీనామా పత్రాన్ని రాష్ట్రపతి ద్రౌపది ముర్ముకు సమర్పించారు. ఆయన రాజీనామా తక్షణమే అమల్లోకి రావడంతో, ఆ పదవి ఖాళీ అయ్యింది. మార్చి 2026 నాటికి, సి.పి. రాధాకృష్ణన్ భారతదేశ ఉపరాష్ట్రపతిగా ఎన్నికయ్యారు. జగదీప్ ధన్‌ఖర్ రాజీనామా అనేక అనుమానాలకు దారి తీసింది. 2023 ఆగస్టులో, మణిపూర్ హింసాకాండపై ప్రధానమంత్రి నరేంద్ర మోదీ స్పందించేలా ఒత్తిడి చేయడానికి, భారత ప్రతిపక్షం (ఇండియా కూటమి) ఆయన ప్రభుత్వంపై అవిశ్వాస తీర్మానాన్ని ప్రవేశపెట్టింది. ఈ తీర్మానం ఓడిపోయినప్పటికీ ఇది ఆయన్ను మౌనంగా ఉండనివ్వలేదు. జాతి ఘర్షణలపై ఆయన ప్రతిస్పందన, శాంతిని పునరుద్ధరించడంలో వైఫల్యం వంటి ఆరోపణలను ఎత్తిచూపి, ఆయన మాట్లాడేలా ఒత్తిడి చేసింది. స్పష్టమైన మెజారిటీ ఉన్న ప్రభుత్వాన్ని కూలదోయడం ప్రతిపక్షం తరం కాలేదు కేంద్ర, రాష్ట్ర ప్రభుత్వాలు శాంతి స్థాపన దిశగా కృషి చేస్తున్నాయని” 2023 ఆగస్టు 10న ప్రధాని మోదీ పేర్కొన్నారు. మణిపూర్ ప్రజలకు శాంతి పునరుద్ధరించబడుతుందని భరోసా ఇచ్చారు, అలాగే ఆ తీర్మానాన్ని భారతదేశాన్ని అప్రతిష్టపాలు చేసే ప్రయత్నంగా కొట్టిపారేశారు ప్రధాని నరేంద్ర మోదీ. ప్రతిపక్షాలు ఆయన ప్రసంగం మధ్యలోనే సభ నుంచి వాకౌట్ చేశాయి. లోక్‌సభలో (పార్లమెంటు దిగువ సభ) అవిశ్వాస తీర్మానం మూజువాణి ఓటు ద్వారా అధికారికంగా ఓడిపోయింది. ప్రపంచ ఖ్యాతి పొందిన ప్రధాని మోదీని విమర్శించడమే అసలు లక్ష్యంగా పెట్టుకుంది ప్రతిపక్షం. లోక్‌సభ స్పీకర్ ఓం బిర్లాపై ప్రతిపక్షాలు ప్రవేశపెట్టిన అవిశ్వాస తీర్మానం (మార్చి 2026) పార్లమెంటరీ చరిత్రలో అరుదైన, ఆందోళనకరమైన పరిణామం. నాలుగు దశాబ్దాల తర్వాత ఒక స్పీకర్‌పై ఇటువంటి తీర్మానం రావడం, వ్యవస్థల పట్ల నమ్మకం సడలుతోందా అనే అనుమానాన్ని కలిగిస్తోంది.

న్యాయవ్యవస్థపై విమర్శల పర్వం

న్యాయవ్యవస్థ అనేది సామాన్యుడికి ఆఖరి ఆశ్రయం. కానీ, ప్రధాన న్యాయమూర్తులపై (సీజేఐ) వస్తున్న విమర్శలు కలవరపెడుతున్నాయి.

జస్టిస్ బి.ఆర్.గవాయ్: దేవాలయ విగ్రహం కేసులో ఆయన చేసిన వ్యాఖ్యలను తప్పుగా అర్థం చేసుకోవడం, దానివల్ల భౌతిక దాడులకు (చెప్పు విసరడం వంటివి) ప్రయత్నించడం అత్యంత దురదృష్టకరం.

జస్టిస్ సూర్య కాంత Ê జస్టిస్ చంద్రచూడ్: రోహింగ్యా శరణార్థుల అంశం లేదా రాజకీయ సున్నితమైన కేసుల విషయంలో వీరిపై వస్తున్న విమర్శలు న్యాయవ్యవస్థ స్వతంత్రతను ప్రభావితం చేసేలా ఉన్నాయి.

జస్టిస్ రంజన్ గగోయ్: గతంలో ఆయనపై వచ్చిన ఆరోపణలు కూడా వ్యవస్థపై మచ్చ తెచ్చే ప్రయత్నాలుగా మిగిలిపోయాయి.

ఎన్నికల సంఘం - ప్రజాస్వామ్యానికి పునాది

ప్రధాన ఎన్నికల కమిషనర్ జ్ఞానేష్ కుమార్‌పై ప్రతిపక్షాలు ప్రవేశపెట్టిన అభిశంసన తీర్మానం మరో కీలక మలుపు. ఓటర్ల జాబితాలో అవకతవకలు జరిగాయని, పక్షపాత వైఖరి ఉందని 193 మంది ఎంపీలు ఆరోపించడం వ్యవస్థల విశ్వసనీయతను దెబ్బతీస్తోంది.

మనకు మనమే శత్రువులమా?

రాజకీయ విభేదాలు ఉండవచ్చు, కానీ అవి రాజ్యాంగ వ్యవస్థలను కుప్పకూల్చేలా ఉండకూడదు. ప్రజాస్వామ్యంలో విమర్శ అనేది ఒక ఆయుధం, కానీ అది వ్యవస్థలను పక్షవాతానికి గురిచేసే ‘గుదిబండ’ కాకూడదు. ఇతర దేశాలు మనల్ని చులకనగా చూసే అవకాశం మనం ఇవ్వకూడదు.

అధికారం తాత్కాలికం, కానీ రాజ్యాంగ వ్యవస్థలు శాశ్వతం. ప్రతి పౌరుడు, ప్రతి ప్రజాప్రతినిధి బాధ్యతగా వ్యవహరించినప్పుడే భారతదేశం నిజమైన ప్రజాస్వామ్య దేశంగా వెలుగొందుతుంది. మనకు మనమే శత్రువులుగా మారకుండా, దేశ హితం కోరి వ్యవస్థలను గౌరవించడం నేటి తక్షణ అవసరం.

రాజకీయ ప్రయోజనాల కోసం వ్యవస్థలను బలిపీఠం ఎక్కిస్తే, రేపు సామాన్య పౌరుడికి రక్షణ ఎక్కడి నుంచి వస్తుంది? ఇతర దేశాలు మనల్ని చూసి నవ్వుకునేలా ప్రవర్తించడం మన దేశభక్తి అనిపించుకుంటుందా? పరిపాలనకు అడ్డంకులు సృష్టించడం వల్ల అభివృద్ధి కుంటుపడుతుంది. మనం మనకు మేమే శత్రువులుగా మారుతున్నామనే భావన కలగడం దేశ భవిష్యత్తుకు శుభసూచకం కాదు. రాజ్యాంగం మనకు హక్కులను ఇచ్చింది, కానీ వాటితో పాటు బాధ్యతలను కూడా గుర్తు చేసింది. వ్యవస్థలు తప్పు చేస్తే సరిదిద్దే మార్గాలు రాజ్యాంగంలోనే ఉన్నాయి, కానీ వాటిని అపహాస్యం చేయడం పరిష్కారం కాదు. రండి, మన రాజ్యాంగ వ్యవస్థల గౌరవాన్ని కాపాడుకుందాం. దేశ ప్రతిష్టను నిలబెడదాం.

ప్రధానమంత్రి నరేంద్ర మోదీ ఉగ్రవాదంపై అనుసరిస్తున్న ‘జీరో-టాలరెన్స’ విధానం నేడు ప్రపంచవ్యాప్తంగా చర్చనీయాంశమైంది.

మునుపటిలా వేచి చూసే ధోరణి కాకుండా, ‘నూతన సాధారణ స్థితి’లో భాగంగా సరిహద్దులకు ఆవల ఉన్న ఉగ్రవాద మౌలిక సదుపాయాలపై మెరుపు దాడులు చేసేందుకు మన సాయుధ దళాలకు పూర్తి స్వేచ్ఛను కల్పించారు. దేశం లోపల గానీ, వెలుపల గానీ భద్రతకు ముప్పు వాటిల్లితే వేగవంతమైన, చురుకైన ప్రతిస్పందన ఇవ్వడం ద్వారా భారతదేశం తన సార్వభౌమత్వాన్ని చాటుకుంటోంది. రాజ్యాంగ వ్యవస్థలపై విమర్శలు మనల్ని బలహీనపరుస్తుంటే, ఇటువంటి కఠినమైన భద్రతా నిర్ణయాలు సామాన్య పౌరుడికి దేశం పట్ల భరోసాను కల్పిస్తున్నాయి.’

అంతర్గత క్రమశిక్షణ - రాజ్యాంగ గౌరవం

మన రాజ్యాంగం కల్పించిన అత్యున్నత పదవులైన రాష్ట్రపతి, ఉపరాష్ట్రపతి, స్పీకర్, సుప్రీంకోర్టు ప్రధాన న్యాయమూర్తులపై ఇటీవల జరుగుతున్న దాడులు అత్యంత ప్రమాదకరమైనవి. రాజకీయ లబ్ధి కోసం దేశ ప్రథమ పౌరులను అవహేళన చేయడం, న్యాయమూర్తులపై చెప్పులు విసరడం, స్పీకర్‌పై అనవసరమైన అవిశ్వాస తీర్మానాలు ప్రవేశపెట్టడం వంటివి ప్రజాస్వామ్యానికి గొడ్డలి పెట్టు.

వ్యవస్థలు కూలిపోతే, దేశం అరాచకత్వంలోకి వెళ్తుంది. రాజ్యాంగ పదవులను విమర్శించడం అంటే దేశ ఆత్మను గాయపరచడమే. పౌరులుగా, ప్రజాప్రతినిధులుగా మన పరిమితులను మనం గుర్తించాలి.

- నౌపడ సత్యనారాయణ,

కార్యాలయ కార్యదర్శి,

తెలుగుదేశం పార్లమెంటరీ పార్టీ

భారత పార్లమెంట్, న్యూఢిల్లీ