పాత వాహనాలు నిర్ణీత కాలపరిమితి తర్వాత కూడా రోడ్లపై నడవాలంటే తప్పనిసరిగా రవాణా శాఖ నుంచి ఫిట్‌నెస్‌, పొల్యూషన్‌ సర్టిఫికెట్లు తీసుకోవాల్సి ఉంటుంది. కానీ నిబంధనలను అమలు చేయడంలో రవాణా శాఖ అధికారులు విఫలమవుతున్నారన్న ఆరోపణలు కొత్త కాదు. రవాణా శాఖ అంటేనే అవినీతి పుట్ట. అక్కడ దళారులదే రాజ్యం. వాహనాల రిజిస్ట్రేషన్లు చేయడం నుంచి డ్రైవింగ్‌ లైసెన్సుల జారీ, రెన్యూవల్స్‌, ఫిట్‌నెస్‌ సర్టిఫికెట్ల జారీ వంటివన్నీ ఈ కార్యాలయాలే చేయాల్సి ఉంటుంది. అధికారులు స్వయం తనిఖీలు, పరిశీలనలు జరిపి, భ

ఇటీవలి కాలంలో జరుగుతున్న ఎన్నికల్లో గ్యారెంటీ లేదా ష్యూరిటీ పేరుతో కొన్ని హామీలు ప్రత్యేకంగా ఇవ్వడాన్ని పార్టీలు అలవాటు చేసుకున్నాయి. అంటే.. ‘గ్యారెంటీ లేదా ష్యూరిటీ’ అన్న ముద్ర వేసిన ఉచిత పథకాలను కచ్చితంగా అమలు చేస్తామని చెప్పడమన్నమాట! ఇటువంటి గ్యారెంటీ హామీలతోనే హిమాచల్‌ప్రదేశ్‌, తెలంగాణ, కర్ణాటక, ఆంధ్రప్రదేశ్‌, తదితర రాష్ట్రాల్లో ప్రస్తుతం ఉన్న ప్రభుత్వాలు గద్దెనెక్కాయి. కానీ ఆచరణలోకి వచ్చిన తర్వాతే తెలిసింది గ్యారెంటీ హామీలు అంటే ఆయా పథకాల అమలుకు గ్యారెంటీ కాదని.. మొత్తం

ఉత్తరాంధ్ర వరదాయినిగా భావిస్తున్న.. విశాఖపట్నానికి ప్రత్యామ్నాయ విమానాశ్రయంగా భావిస్తున్న భోగాపురంలో నిర్మిస్తున్న అల్లూరు సీతారామరాజు అంతర్జాతీయ విమానాశ్రయం చరిత్రలో చిరస్థాయిగా నిలిచిపోయేలా నిర్ణీత గడువు కంటే ముందే ప్రయాణికుల సర్వీసులు నిర్వహించేందుకు దాదాపు సిద్ధం కావడం ముదావహం. ఆదివారం నిర్వహించిన తుది ట్రయల్‌ రన్‌ విజయవంతం కావడంతో వచ్చే జూన్‌ నుంచి విమానాశ్రయ కార్యకలాపాల నిర్వహణకు మార్గం సుగమమైంది. ఈ క్రమంలోనే ఈ ఎయిర్‌పోర్టు అరుదైన రికార్డు నమోదు చేసింది. గ్రీన్‌ఫీల్డ

‘పొగ తాగనివాడు దున్నపోతై పుట్టున్‌ ’.. అన్నాడు కన్యాశుల్కంలో గిరీశం. ‘సరదా సరదా సిగరెట్టు.. ఇది దొరల్‌ తాగు భల్‌ సిగరెట్టు’ అన్నాడో సినీకవి. దొరలేం ఖర్మ.. ఈరోజుల్లో చదువుకుంటున్న కుర్రాళ్లు కూడా సరదా సరదాగానే సిగరెట్టు తాగడం మొదలుపెట్టి.. క్రమంగా దానికి బానిసలైపోతున్నారు. తామూ దొరల్లా ఫీలైపోతున్నారు. సిగరెట్టు పొగను గుండెల నిండా పీల్చి గుప్పుమని రైలు ఇంజను మాదిరిగా గాలిలోకి వదులుతూ దాని మాయలో పడి పరిసరాలనే మర్చిపోతున్నారు. సిగరెట్టు, చుట్ట, బీడీ వంటి పొగ పీల్చే రకాలతోపాటు

విద్యుత్‌ వాహనరంగానికి కొత్త ఏడాది ఆరంభంలోనే కేంద్ర ప్రభుత్వం షాక్‌ ఇచ్చింది. ఈ రంగానికి కొంతకాలంగా ఇస్తున్న భారీ సబ్సిడీలు, ఇతర ప్రోత్సాహకాల్లో కోతలకు శ్రీకారం చుట్టింది. కోతల్లో తొలిదశగా ఎలక్ట్రిక్‌ త్రిచక్ర(ఆటోలు) వాహనాలకు సబ్సిడీలు నిలిపివేస్తూ పాత ఏడాది(2025) చివరిరోజే ఉత్తర్వులు జారీ చేసింది. ఈ నిర్ణయం వల్ల త్రిచక్ర వాహనాలు కొనుగోలు చేయాలనుకునేవారికి భారంగా పరిణమించనుంది. వీటి ధరలు పెరిగే అవకాశం ఉండటంతో ఈ వాహనాలను ఉత్పత్తి చేస్తున్న తయారీ కంపెనీలు, పంపిణీ చేసే మార్కెట

సార్వత్రిక ఎన్నికల్లో థంపింగ్‌ మెజారిటీతో అధికారంలోకి వచ్చిన తెలుగుదేశం అధినేత చంద్రబాబు నేతృత్వంలోని ఎన్డీయే ప్రభుత్వం గత వైకాపా ప్రభుత్వం తీసుకున్న అనేక నిర్ణయాలను, పథకాలను తిరిగదోడుతూ తన విధానాలకు అనుకూలంగా మార్పులు చేర్పులు చేస్తోంది. కొన్నింటికి పేర్లు మార్చితే, మరికొన్నింటిలో మూల లక్ష్యాన్నే మార్చివేస్తోంది. వీటిలో మిగతావాటి సంగతెలా ఉన్న మెడికల్‌ కళాశాలల విషయంలో చంద్రబాబు సర్కారు అనుసరిస్తున్న వైఖరి, దాన్ని సమర్థించుకుంటున్న తీరు మాత్రం సామాన్య జనంలో విమర్శల పాలవుతున్నా

కాలం మారుతున్న క్రమంలో ఆ మార్పులకు అనుగుణంగా మన జీవితాలను కూడా మెరుగులు దిద్దుకోవాల్సి ఉంటుంది. దీనికి ఒక కాలప్రమాణంగా ఏడాదికాలం నిలుస్తుంది. అందుకే పాత సంవత్సరం ముగిసి కొత్త వత్సరాదిలోకి ప్రవేశించే సమయంలో ప్రతి ఒక్కరూ తమ జీవితాలకు సంబంధించి కొత్త లక్ష్యాలు నిర్దేశించుకునే తరుణంగా కొత్త ఏడాదిని పరిగణిస్తారు. ఈ ఏడాది నుంచి జీవితంలోకి కొత్తదనాన్ని ఆహ్వానించాలని, ఆరోగ్యంగా జీవించాలని ప్రతి ఒక్కరూ ఆకాంక్షించడం సహజం. ఈ కొత్త లక్ష్యాల్లో మరో ప్రత్యేక అంశాన్ని చేర్చుకోవాల్సిన అవసరాన

‘మా థియేటర్లలో టికెట్ల ధరలు ఏమాత్రం ఎక్కువ కావు. వాటిలో అమ్మే స్నాక్స్‌ కూడా సరసమైన ధరలకే లభిస్తాయి’.. ఈ మాట వింటే అదో పెద్ద జోక్‌ అని ఎవరైనా సరే చెబుతారు. కానీ పీవీఆర్‌ ఐనాక్స్‌ ఎండీకి మాత్రం అవి చాలా తక్కువ ధరలేనట! ఈ రోజుల్లో మల్టీప్లెక్స్‌లలో సినిమా చూడటం సామాన్యులకు ఎంత ప్యాషనో అంతకుమించిన ఖరీదైన వ్యవహారంగా మారిపోయింది. టికెట్‌ రేట్ల సంగతి పక్కన పెడితే లోపల స్టాల్స్‌ ద్వారా విక్రయించే స్నాక్స్‌ ధరలు చూసి జనం బెంబేలెత్తిపోతున్నారు. పీవీఆర్‌ ఐనాక్స్‌ ఎండీ అజయ్‌ బిజిలీ మాత

జిల్లాల పునర్విభజన తేనెతుట్టెను గత వైకాపా ప్రభుత్వం కదిపి రాష్ట్రంలో జిల్లాల సంఖ్యను రెట్టింపు చేసింది. దాని ప్రకంపనలు ఇప్పటికీ చాలాచోట్ల కనిపిస్తున్నాయి రెవెన్యూ డివిజన్లు, మండలాలను వేరే జిల్లాల్లో చేర్చడం, కొత్త డివిజన్ల ఏర్పాటు వంటిపై భిన్నాభిప్రాయాలు, ఆందోళనలు కూడా అప్పట్లో వ్యక్తమయ్యాయి. శాస్త్రీయంగా కాకుండా రాజకీయ కోణంలో పలు మార్పులు చేశారని వైకాపా ప్రభుత్వంపై అప్పట్లో తెలుగుదేశం సహా పలువురు విమర్శలు గుప్పించారు. వాటిలో ప్రధానంగా చెప్పుదగ్గది కొత్తగా ఏర్పాటు చేసిన అన్నమ

హింస ఎక్కడైనా హింసే.. మరణం అందరికీ ఒక్కటే.. దానికి కులమతవర్ణాలన్న తేడా ఉండదు. కారణం ఏదైనా మారణకాండ మాత్రం క్షంతవ్యం కాదు. అది ఎవరి మీద, ఏ కారణంతో జరిగినా దాన్ని ఖండిరచాల్సిందే, బాధితులకు అండగా నిలవాల్సిందే, సంఫీుభావం తెలపాల్సిందే. ఇటువంటి విషయాల్లో సెలబ్రిటీలు అనే ముసుగు తొడుక్కునేవారు చాలా వేగంగా స్పందిస్తుంటారు. పత్రికలు, టీవీ, సోషల్‌ మీడియా తదితర వేదికల ద్వారా నిరసన గళం వినిపిస్తుంటారు. రాజకీయ నాయకులు కూడా ఈ కోవలోకే వస్తారు. కానీ దురదృష్టకరం ఏమిటింటే.. బంగ్లాదేశ్‌లో మైనా

మన సనాతన ధర్మాలు, సంప్రదాయాలు, పురాణాలు.. తరచూ వివాదాలకు కారణమై విస్తృత చర్చలకు తావిస్తుంటాయి. వీటిని హిందువులు పాటిస్తారు కనుక ఇవి హిందూ మతానికి మాత్రమే పరిమితమన్న వాదనలు వినిపిస్తుంటాయి. వాటిలో చాలావరకు మానవ జీవన విధానాన్ని ప్రకాశవంతం చేసే గ్రంథాలని అనేక సందర్భాల్లో రుజువైనా ఇతర మతాలకు చెందినవారు ఒక పట్టాన దానికి అంగీకరించారు. మత ముద్ర వేసి వాటిని పక్కన పడేస్తుంటారు. అలా మతం ముద్ర పడిన వాటిలో శ్రీమద్భగవద్గీత ఒకటి. ఇది మహాభారతంలోని కురుక్షేత్ర సంగ్రామ ఘట్టంలో శ్రీకృష్ణుడు అర

తమకు కావాలనుకున్నప్పుడు పరిమితులు, పరిధులు మార్చేయడం ప్రభుత్వాలకు కొత్త కాదు. నిబంధనలు సడలించడం, అంతేవాసులకు అగ్రాసనం వేయడం ఇటీవలి కాలంలో మితిమీరిపోయింది. కోర్టులు అభ్యంతరం చెప్పినా.. వేరే మార్గాల్లో తాము అనుకున్నది సాధించుకోవడం ప్రభుత్వాలకు కరతలామలకం. కానీ అటువంటి నిర్ణయాన్ని ఉపసంహరించునేలా దేశవ్యాప్తంగా వెల్లువెత్తిన ఒక వ్యతిరేకత చేయగలగడం ఇటీవలి కాలంలో ఇదే మొదటిసారి. కేంద్రంలోని ఎన్డీయే సర్కారు ఎన్ని అభ్యంతరాలు ఎదైనా లెక్కచేయకుండా తాను అనుకున్నది చేసేస్తుందని పేరుపొందింది

ఎత్తుకు పైఎత్తు వేయడం, ఒక మార్గం మూసుకుపోతే మరో మార్గాన్ని చూసుకోవడం.. ప్రతిచోటా ఉండేదే. ఇది రాజకీయాల్లో ఇంకాస్త ఎక్కువగా కనిపిస్తుంటుంది. అందులోనూ ఈ రంగంలో డబ్బు ప్రాధాన్యం పెరిగిన తర్వాత మరింతగా పాతుకుపోయింది. దానికి ఎన్నికల బండ్ల వ్యవహారమే నిదర్శనం. గతంలో ఎన్నికల బాండ్ల పేరుతో రాజకీయ పార్టీలకు గుప్త విరాళాలు ఇచ్చే సంస్కృతి ఉండేది. అది వికృతరూపం దాల్చడంతో సుప్రీంకోర్టు దాన్ని రద్దు చేసేసింది. దాన్ని రద్దు చేస్తేనేం.. పార్టీలు, కార్పొరేట్‌ వర్గాలు మార్గాన్ని ఓపెన్‌ చేసి యథాప

ప్రపంచ డోపింగ్‌ నిరోధక సంస్థ(వాడా) కొత్త నివేదిక ప్రకారం, 2024లో భారతదేశం మొత్తం 260 డోపింగ్‌ ఉల్లంఘనలను నమోదు చేసింది. అన్ని దేశాల కంటేకూడా ఇది చాలా ఎక్కువ. దీంతో భారతదేశం వరుసగా మూడవ సంవత్సరం ప్రపంచంలో అత్యధిక డోపింగ్‌ ఉల్లంఘనలు జరిగిన దేశంగా నిలిచింది. ఈక్రమంలోనే ఫ్రాన్స్‌ రెండవ స్థానం, ఇటలీ మూడవ స్థానంలో నిలిచాయి. డోపింగ్‌ కేసుల్లో భారత అథ్లెట్లు మరోసారి ప్రపంచంలోనే అగ్రస్థానంలో నిలిచారు. ప్రపంచ డోపింగ్‌ నిరోధక సంస్థ(వాడా) కొత్త నివేదిక ప్రకారం, 2024లో భారతదేశం మొత్తం 260

పుష్కరకాలం గడిచిపోయింది. ఉమ్మడి ఆంధ్రప్రదేశ్‌ను ముక్కలు చేసి! బలవంతంగా ఏర్పాటు చేసుకున్న తెలంగాణను తామే సాధించామంటూ రెండుసార్లు గద్దెనెక్కి ఒకరు రాజకీయ ఫలాలు అనుభవిస్తే.. మరో పార్టీ ఇప్పుడు ఆ ఫలాలను ఆస్వాదిస్తోంది. ఎటొచ్చీ అన్యాయమైపోయింది విభజిత ఆంధ్రప్రదేశే. హైదరాబాద్‌లాంటి ఆర్థిక వనరును కోల్పోయి నిధుల్లేక.. చివరికి రాజధాని కూడా లేక పదమూడేళ్లు గడిచినా ఇప్పటికీ ఆపసోపాలు పడుతోంది. అయినా తెలంగాణ నేతలకు ఆంధ్రభూమి కక్ష తీరినట్లు లేదు. తోటి తెలుగు రాష్ట్రమన్న కనీస గౌరవం కూడా లేద

దాదాపు ముప్పై నలభయ్యేళ్లు వెనక్కి వెళితే.. అప్పటి కుటుంబ వ్యవస్థకు ఇప్పటి కుటంబాలు నడుస్తున్న తీరుకు మధ్య ఎంతో తేడా కనిపిస్తుంది. ముఖ్యంగా సంపాదన, ఖర్చుల విషయంలో హస్తి మసంకాతర వ్యత్యాసం గోచరమవుతుంది. అప్పట్లో మెజారిటీ కుటుంబాల్లో సంపాదించేవారు ఒక్కరే ఉండేవారు. ఆ సంపాదనతోనే కుటుంబం మొత్తాన్ని పోషించేవారు. అప్పట్లో వెయ్యి, రెండువేల రూపాయల నెల జీతం సంపాదిస్తే చాలు.. అదే గొప్ప అనుకునేవారు. అందులోనే నెలవారీ కుటుంబ ఖర్చులుపోనూ ఎంతోకొంత పొదపు చేసేవారు. అలా పొదుపు చేసిన మొత్తాలను భవ

తెలుగు రాష్ట్రాల్లో అసెంబ్లీ నియోజకవర్గాల పెంపు ఆశలపై కేంద్ర ప్రభుత్వం మరోసారి నీళ్లు చల్లింది. 2029 సార్వత్రిక ఎన్నికల్లోగా ఈ రెండు రాష్ట్రాల్లో నియోజకవర్గాల పునర్విభజనను పూర్తి చేసి.. కొత్త నియోజకవర్గాల ప్రకారమే ఎన్నికలు నిర్వహిస్తామని గతంలో కేంద్రం ప్రకటించింది. కానీ తాజా పరిణామాలను గమనిస్తే ఆ ఎన్నికల్లోగా ఈ ప్రక్రియ పూర్తి అయ్యే అవకాశం కనిపించడంలేదు. జాతీయ జనాభా లెక్కల సేకరణతో ఈ అంశాన్ని ముడిపెట్టడమే ఈ పరిస్థితికి కారణం. నియోజకవర్గాలు పెరిగితే ఎక్కువ మంది అభ్యర్థులకు అవక

విడాకుల కేసులు పెరుగుతుంటే.. కోర్టులు, సంబంధిత కక్షిదారులు ఇబ్బంది పడాలి. కానీ బెంగళూరులోని ఒక ప్రాంత పండితులు వీటి వల్ల అవస్థలు పడుతున్నారు. వీటిని తట్టుకోలేక ఏకంగా పెళ్లిళ్లు చేయడానికే స్వస్తి చెప్పారు. మరోవైపు విడాకుల పిటిషన్లు వేయడానికి వివాహం జరిగి కనీసం ఏడాది కావాలన్న నిబంధన అమలు విషయంలో ఫ్లెక్సిబులిటీ ఉండాలని ఢల్లీి హైకోర్టు తాజాగా రూలింగ్‌ ఇవ్వడం విడాకుల కేసులు విచారణ మరింత సులభతరం కావచ్చు. బెంగళూరులోని హలసూరు ప్రాంతం చోళుల కాలానికి చెందిన సోమేశ్వర ఆలయం హిందూ పెళ్

తన ఫోటోలు, వీడియోలు దుర్వినియోగం చేస్తున్నారని, అనుమతి లేకుండా చాలామంది వాడుతుండటంతో పాటు ఏఐ టెక్నాలజీ సాయంతో తప్పుడు ప్రచారం చేస్తున్నారని రాష్ట్ర ఉప ముఖ్యమంత్రి పవన్‌కల్యాణ్‌ ఇటీవల ఢల్లీి హైకోర్టులో పిటిషన్‌ దాఖలు చేశారు. తన వ్యక్తిగత హక్కులను, బ్రాండ్‌ ఇమేజ్‌ను కాపాడాలని ఆ పిటిషన్‌లో విజ్ఞప్తి చేశారు. ఆ మేరకు కోర్టు ఆయనకు చట్టపరమైన రక్షణ కల్పించాలని ఆదేశించింది. పవన్‌ కల్యాణే కాదు దేశంలోని చాలామంది సెలబ్రిటీలు తమ పర్సనాలిటీ రైట్స్‌ పరిరక్షించుకునేందుకు ఢల్లీి హైకోర్టునే ఆశ

ఈమధ్య కాలంలో యువత అర్థంతరంగా ప్రాణాలు కోల్పోతున్నారు. నిరంతర జిమ్‌ చేస్తూ కండలు తిరిగిన శరీరాలను మెంటెయిన్‌ చేస్తున్న వారికి సైతం అకాల మరణాలు కబళిస్తున్నాయి. కరోనా తర్వాత ఇలాంటి హఠాన్మరణాలు బాగా పెరిగాయి. దాంతో ఈ మరణాలకు అప్పట్లో వేయించుకున్న కరోనా టీకాలే కారణమన్న ప్రచారం జోరందుకుంది. ముఖ్యంగా రెండు డోసులు తీసుకున్న తర్వాత బూస్టర్‌ డోస్‌ టీకా కూడా వేశారు. అదే ప్రాణాంతకంగా మారిందని, దీనివల్ల ఫిట్‌గా ఉండే యువతలో కూడా పలు సైడ్‌ ఎఫెక్ట్స్‌ మొదలై చివరికి ప్రాణాలు బలిగొంటున్నాయని